Բովանդակություն
- Դարձվածքների հետքերով
- Դարձվածք․ նկարում ենք դարձվածքներ
- Սովորում ենք դարձվածքներ
- «Սովորող-սովորեցնող» նախագծով ստեղծված միասնական խաղ
Դարձվածքների հետքերով
Ծովն ի՞նչ մեղք ունի
Երբ մեկը, զայրույթից ու կատաղությունից կուրացած, բարկությունը թափում է անմեղի վրա, նրա համար օգտագործում են «ծովն է խարազանում» դարձվածքը ( ռոսերեն՝ высекает море ):
Սակայն ի՞նչ գործ ունի այստեղ ծովը, կամ ծովին ծեծն ի՞նչ կանի։
․․․Պարսից Քսերքսես Առաջին արքան (թագավորել է մ․ թ․ ա․486-465-ին ), որ ժառանգն էր Դարեհ Առաջինի (թագ․ մ․ թ․ ա․ 522-486-ին), 480-ին արշավեց հույների վրա և գլխովին ջախջախվեց ծովային մարտում։
Եվ կատաղած արքան հրամայեց․․․ խարազանել ծովը, հասկանալի է, նրան համարելով իր պարտության պատճառը։
Այստեղից էլ պատմության և լեզուների մեջ մնաց «ծովը խարազանել» դարձվածքը։
Նյութը թվայնացրեց Ալիսա Արշակյանը
Աղբյուրը՝ Պ․ Բեդիրյան «Բառերի խորհրդավոր աշխարհում»
Կոշիկիցդ վեր մի՛ ելնի
Կոշիկից վեր ելնել (բարձրանալ) դարձվածք է, որ նշանակում է «իր հասողությունից դուրս ու վեր բաների մեջ քիթը խոթել», «աշխատել իրեն հնարավորություններից վեր ցույց տալ»:
Ահա մի այդպիսի վիճակ, որ ներկայացնում է ամերիկահայ երգիծաբան Վահրամ Տատրյանը.
Հակառակ տարազին- որ հայտնի կ’ ըներ գյուղացիությունը – մարդը քաղաքացիի հովեր կ’ առնե և հնակարկատին հետ կը խոսի որպես թե քաղաքի պորտին վրա ծնած էր: Խանութպանը կը խնդա քթին տակեն, և կոշիկեն վեր ելլող մարդուն խաղ մը խաղալու համար կ’ ըսե.․․
Չգիտեմ՝ նկատե՞լ եք արդյոք , թե՞ ոչ, բայց իրական փաստ է, որ ամեն մասնագիտության տեր մարդու մոտ պրոֆեսիոնալ սովորություն է փողոցով անցնելիս կամ այլ դեպքերում ուշադրություն դարձնել իր մասնագիտությանը վերաբերող մանրամասներին․ վարսավիրը՝ դիմացինի մազ-մորուքին, սանրվածքին, դերձակը՝ հագնվածքին, հագուստի կարվածքին, կոշկակարը՝ կոշիկներին և այլն։
Պատմում են ահա, որ միջնադարյան Եվրոպայի խոշոր քաղաքներից մեկում մի հայտնի նկարիչ իր մի գործն է ցուցադրած լինում՝ տղամարդու նկարը, ամբողջ հասակով։ Պատմում են այնպես, որ մի կոշկակար անցնում է այդ փողոցով և նկարին նայելով իսկույն նկատում է, որ մարդու կոշիկները այնպես չեն ներկայացված, ինչպես կյանքում են լինում։Դիտողություն է անում կողքին կանգնած նկարչին, որն անմիջապես համոզվում է և հաջորդ օրն իսկ ուղղում մտցնում:
Մյուս օրը կոշկակարը, ոգևորված իր հաջողությունից, դիտողություն է անում արդեն դիմագծերի կամ մի ուրիշ մասի վերաբերյալ, ինչ խոսք , այս անգամ արդեն մի ապուշ բան է առաջարկում : Եվ նկարիչը դառնում նրան ասում է․
-է՜, չեղավ, բարեկամ , կոշիկիցդ վեր մի՛ ելնի…
Իրո՞ք այսպես է առաջ եկել հիշյալ դարձվածքը, իրակա՞ն է արդյոք պատմությունը՝ չգիտեմ, բայց որ այն խիստ ուսանելի է, դա հաստատ է:
Նյութը թվայնացրեցին Լիա Հովհաննիսյանը, Մարի Բեգլարյանը, Նատալի Զաքարյանը
Աղբյուրը՝ Պ․ Բեդիրյան «Բառերի խորհրդավոր աշխարհում»
Դարձվածք․ նկարում ենք դարձվածքներ։ Դարձվածքները նկարել են «ԽԽունջ» ջոկատի ճամբարականները։ Դասվար՝ Հռիփսիմե Առաքելյան։
Նայեք նկարները և գտեք դարձվածքների իմաստները՝
Խաղեր
«Սովորող-սովորեցնող» նախագծով ստեղծված միասնական խաղ ։ Խաղը ստեղծել են «Օր օրի» ջոկատի ճամբարականները։ Դասվար՝ Սաթենիկ Սիմոնյան
Խաղեր Արևմտյան դպրոց-պարտեզի ճամբարականների կողմից։ Խաղալու համար պետք է ֆայլերը ներբեռնել։